Full Flora-krangel om sjukehusbygg

Flora Høgre sin framforhandla intensjonsavtale med Helse Førde om kjøp av sjukehusbygget i Florø for fem millionar skaper rabalder.

• LES OGSÅ: Historia til nærsjukehuset
• LES OGSÅ: Vil spørje om helseministeren har godteke nedlegging

Tysdag sa eit klart fleirtal i formannskapet nei til avtalen.

Skuldar Høgre for solospel

No kjem Arbeidarpartiet med beisk kritikk av måten Høgre har gått fram på. Dei seinare åra har drifta ved sjukehuset blitt kraftig redusert , og seinare lagt ut for sal .

• LES OGSÅ: Kuttar ved nærsjukehuset
• LES OGSÅ: - Ingen i Florø får sparken

Sidan har mellom anna danske Transmedica og kommunen vurdert kjøp av bygningsmassen. No er Flora kommune i gang med ei ny runde .

• LES OGSÅ: Vil rive eldste delen av sjukehuset

– Utan noko mandat frå bystyret og utan å informere bystyret, har enkeltpersonar i Flora Høgre forhandla seg fram til ein avtale med Helse Førde. Dette er eit sololøp utan sidestykke, seier tidlegare ordførar i kystbyen, no gruppeleiar for Arbeidarpartiet, Bente Frøyen Steindal.

Ho seier Arbeidarpartiet må vite langt meir om kva eit kjøp vil innebere før dei eventuelt kan seie ja.

Ordføraren slår tilbake

Høgre-ordførar Bengt Solheim-Olsen avviser kritikken.

• LES OGSÅ: Meiner Helse Førde bryt krav
• LES OGSÅ: - Uklokt å selje sjukehus i Florø

– Dersom Arbeidarpartiet seier nei til ein intensjonsavtale med Helse Førde som er vesentleg betre enn det Arbeidarpartiet prøvde å presse igjennom for to år sidan, så viser det at det er viktigare for Arbeidarpartiet å kritisere Høgre-ordføraren sitt arbeid enn å finne gode og konstruktive fellesløysingar for Flora kommune, seier han.

Solheim Olsen legg til at Arbeidarpartiet snart må innsjå at det no er høgrefolk som sit i sentrale posisjonar i Flora kommune.