Den røynde medieforskaren ved Høgskulen i Volda fryktar følgjene av den dårlege økonomien til aviseigarane til fylkes største avis.
NRK fortalde torsdag at avisa må kutte fire årsverk, og at alle tilsette i redaksjonen kan søkje om sluttpakke.
– Det er jo openbart at ein ikkje kan lage avis utan journalistar. Kvaliteten avheng i stor grad av årsverk og tal tilsette, seier Paul Bjerke.
Fryktar avisdød
Bakgrunnen for dei varsla kutta er den elendige økonomien i eigarkonsernet Amedia. Bjerke meiner at ytterlegare kutt i lokalavisene vil råke journalistikken.
I verste fall fryktar medieforskaren avisdød.
– Det vil igjen føre til at lesarane oppfattar produktet som dårlegare og er mindre interessert i å betale for det. Ein klassisk vond sirkel, seier han.
52 millionar i minus
Redaktør i Firda, Yngve Årdal, peikar på at dei kutta som no kjem i all hovudsak skuldast den økonomiske situasjonen til eigarane.
Norges nest største mediekonsern slit med å selje papiraviser og
.– Dermed har alle fått beskjed om å gå heim og sjå på inntektsbilete og kostnadsbilete. Det gjer vi, og dermed ser vi at vi truleg må ned med eit visst tal årsverk, seier Årdal.
– Ein skremmande tanke
Dermed er det mange aviser i Norge som no må gjennom same runddans som ved Avishuset Firda i Førde.
I Volda fryktar Bjerke følgjene av den dårlege økonomien til aviseigarane.
– Eit lokalsamfunn utan avis i ei eller anna form som held dette saman, er ein skremmande tanke, seier han.