Brannalarmsentralen fekk melding om brannen klokka 16.20. Det et truleg lynnedslag som har forårsaka brannen.
- HAR DU TEKE BILETE AV LYNNEDSLAGA?
Transformatoren står i nærleiken av Eikaasgalleriet. Brannalarmsentralen seier brannen slokna av seg sjølv då brannmannskapet slo av straumen.
- LES OGSÅ:
Sunnfjord Energi opplyser også at Vadheim - Kyrkjebø har vore utan straum ein kortare periode. Feilen er no retta. I Naustdal har eit lynnedslag slått ut straumen til nokre abonnentar. Det same gjeld strekka Norevik - Torvund og på Ålhus.
Det er uvisst kor mange abonnentar som er råka.
- Så lenge det er lyn og torden blir det ikkje gjort noko for å rette på feilen, får NRK opplyst ved Sunnfjord Energi sin vakttelefon.
Sogn og Fjordane Energi melder om få problem som følgje av lynnedslag. Nedslag har råka transformatorar i Florø og Eid, men feila er i ferd med å bli retta.
Ifølgje statsmeteorolog Mariann Foss er det fare for lyn og torden utover kvelden.
- Det er ganske uroleg ver med skiftende skydekke og regnbyger. Det er utrygt for torden utover kvelden i dag, seier ho og lovar at iallefall første halvdel av fredagen skal bli langt betre med periodar med sol - før det igjen kjem inn eit lågtrykk med skye og regn.