Faren for snøskred minkar

Måndag morgon var over 20 vegstrekningar stengt som følgje av ras eller rasfare berre i Sogn og Fjordane.

• LES OG: Ras stengjer over 20 vegar

- Farlegaste perioden over

Det er framleis fare for skred, men både meteorologane og Norges Geotekniske Institutt (NGI) seier faren i Sogn og Fjordane vert mindre utover veka.

- Den farlegaste perioden er nok over, seier skredekspert Steinar Bakkehøy ved NGI.

Måndag morgon vart ein mann tatt at eit is- og snøskred i eit elvefar i Jølster. Mannen var i live då han vart sendt til sjukehus.

• LES OG: Mann ramla i elv i Jølster

(Artikkelen held fram under biletet)

I løpet av måndagen og tysdagen vil det framleis kome ein del nedbør.

- Det som kjem av nedbør har gått over til bygevêr, seier meteorolog Anne Solveig Andersen ved vêrvarslinga på Vestlandet.

I helga har det gått fleire snøskred og fleire bygder har blitt isolerte i Sogn og Fjordane.

• LES OG: Fleire bygder er isolerte
• LES OG: Travel dag på vegtrafikksentralen
• LES OG: Uroa for akuttberedskapen

Mindre nedbør og kaldt vêr

I tillegg til at det er varsla mindre nedbør vert det også kaldare, noko som påverkar skredfaren.

- Temperaturen vil gå gradvis nedover. Når vi kjem til onsdag vil det fleire stader vere minusgrader. Det gjer at det som er av snø i fjellet stabiliserar seg, seier Andersen til NRK.no.

Likevel ber både Andersen og Bakkehøy folk om å vere forsiktige.

- Det kan framleis gå ein del våte snøskred. Akkurat kor er vanskeleg å seie, men folk bør framleis vere obs på dette, seier Bakkehøy i NGI.