– No ser vi at ferjeavløysingsprosjekta våre kan bli realisert mykje raskare. Ho håpar at Atløysambandet kan bli skubba fram i tid, seier ordførar Frida Melvær (H).
Regjeringa har i samarbeid med Venstre og Krf blitt einige om ferjeavløysingsordninga. Dette er ei ordning der ein vidarefører ferjetilskotet i minst 40 år når ein byggjer bru eller tunnel for å erstatte ei ferje.
- LES OGSÅ:
- LES OGSÅ:
For Askvoll kommune vil ferjeavløysingsordninga vere viktig for å kunne få på plass Atløysambandet. Sambandet vil binde Atløy med sine om lag 500 innbyggjarar saman med fastlandet, og kommunesenteret i Askvoll.
– Vi meiner vi har eit godt prosjekt i utgangspunktet, og med ei utviding til minst 40 år vil dette bli enno meir gunstig, seier Melvær.
Regjeringa vart samd med Krf og Venstre
– Dette skal vere ei permanent ordning som baserer seg på same ordninga som for riksvegnettet med 40 års nedbetalingstid. Det seier fylkesleiar i FrP, Frank Willy Djuvik.
Grunnen til at Regjeringa snur er rett og slett at Regjeringa glippa på inntektssystemet seier Djuvik.
– For Sogn og Fjordane er dette veldig viktig. dette vedtaket er heilt i tråd med det fylkesutvalet har bede om, og det betyr fleire hundre millionar kroner i auka vegmidlar.
– Dette betyr at prosjekt i Sogn og Fjordane som Kystvegen, Ytre Steinsund og Atløysambandet kan realiserast heilt eller delvis med bruk av ferjeavløysing. Dette er viktige samferdsleprosjekt i Sogn og Fjordane, seier Djuvik.
Glede i Solund
For ordføraren i Solund er også ferjeavløysingsordninga ei gledeleg nyheit.
– Det betyr at ein del viktige vegprosjekt i Sogn og Fjordane står mykje nærare å bli realisert, seier ordførar i Solund, Ole Gunnar Krakhellen.
Han håpar særskilt at bru over Ytre Steinsund kan bli realisert som har vore prioritert.
Djuvik trur ordninga kan bli klar i løpet av året ettersom det er semje om ordninga i Stortinget.