Får eigen konsert i bursdagsgåve

Sopranen trommar nemlig saman eit lag musikarar som skal backe faren hennar i Logen Teater 8. oktober.

• LES OGSÅ: Sjå kva Oddvar får til bursdagen

– Han har jo hatt konsertar på mindre scener, men no tenkte eg at det kunne vere kjekt at han fekk ei større scene, seier Jorunn Torsheim til Bergens Tidende.

Konserten finn stad ein knapp månad før multikunstnaren fyller 75 år 2. november. Med i bandet blir mellom andre Arvid Wam Solvang, Pål Bråtelund og Gisle Børge Styve. Sistnemnde er frå Førde.

– Finn Tokvam er og med. Det blir eit musikkalas, jublar Jorunn Torsheim som sjølv skal kore.

Hovudpersonen sjølv gler seg.

– Eg håpar eg klarer å leve opp til dette. Det blir vel laus snipp. Og skulle det bli fiasko, får eg bli skikkeleg fiasko, seier Oddvar Torsheim til Bergens Tidende.