- Laget manglar jo alt som heiter sjølvtillit, og det er ingenting som fungerer på banen.
LES:
Det sa leiar i Branns trufaste fanskare Bataljonen, Frode Hellebø, like etter at det opne møtet som Sportsklubben Brann hadde invitert til i ettermiddag starta.
- Det som skjedde med Fredrikstad for nokre år sidan kan lett gjenta seg. Der var det sølv først, så nedrykk og deretter eit lag i ruin, seier den oppgitte fanklubb-sjefen.
Meir om bråket i Brann:
Dagleg leiar Lars Moldestad starta møtet klokka 17 tysdag med å underretta om økonomien i klubben. Trass i omlag 2,8 millionar kroner mindre enn budsjettert inntekt, gjer skattefordelar at klubben slepp underskot - trass i dårlegare oppmøte, at dei rauk kjapt ut av cupen og mindre støtte frå Medietoppen.
Dermed ser det ut til at Brann vil gå med eit overskot på 700 000 kroner.
- Økonomisk sett går det betre no enn i vinter, sa Moldestad til den nedtrykte forsamlinga.
Hellebø og resten av supporterane som møtte opp, lar seg ikkje imponera av det.
Heller ikkje av at klubbleiinga lovar å gjennoppretta orden, med ny sjef som første prioritet, innan 20.juni.
- Det hastar å få orden på strukturen i klubben, sa Hellebø og la til at fansen no er meir triste og resignerte enn prega av sinne.
Les også at ekspert ber Bergensarane gi laget sitt fred og ro:
