Han har trena fram dei sterkaste av dei sterke: - Det er veldig kjekt

Gunnar Reiakvam har trent kraftpluggane til Tambarskjelvar i ei årrekkje og kan ikkje huske at ein klubb har henta heim så mange lagsigrar under eit Noregsmeisterskap for lag.

Klubben frå Naustdal gjorde like så godt nesten reint bord under meisterskapen som vart arrangert i Tønsberg.

– Dette er veldig, veldig kjekt! Og det inspirerer oss til å drive vidare, seier den erfarne trenaren.

• LES OGSÅ: Nesten halve laget frå Naustdal
• LES OGSÅ: Vann junior- og seniorfinalen

Beste lagprestasjon nokon sinne

Tambarskjelvar IL har lenge hatt utøvarar som har markert seg heilt i toppen. Når dei stilte med sine lag under lag-NM fredag og laurdag ville dei vise at dei var aller best. Og det klarte dei.

I både dameklassen, juniorklassen og ungdomsklassen vart det gull til Tambarskjelvar. I eliteklassen for menn gjekk det derimot ikkje heilt til topps, her fekk klubben sølv.

– Vi surra det litt til i eliteklassen for menn, så det var litt surt, seier Reiakvam.
Men Tambarskjelvar vart altså Noregsmeister i tre av klassane, noko trenaren sjølv meiner er historisk.

– Dette har nok aldri skjedd i Norge før at ein og same klubb har vunne så mange klassar, seier Reiakvam stolt.

– Det er jo nesten ein sensasjon!

• LES OGSÅ: Tre sølv og to bronse i Nordisk
• LES OGSÅ: Vart vekt for å tisse på kopp

Vil ikkje slå seg på brystet

Trenaren har opp gjennom åra fått mykje av æra frå utøvarane. Dei har skrytt av å ha ein trenar som alltid stiller opp på trening og som er primus motor for det som skjer i klubben. Han vil likevel ikkje slå seg på brystet for det klubben no har fått til på lag-NM.

– Viss ikkje dei hadde orka å trene hadde vi jo ikkje vunne noko, ler trenaren.

– Alle gjorde det veldig bra, så det er ingen som er noko betre enn nokon andre i dag!

I tillegg til dei sterke lagprestasjonane sette Jantsen Øverås ny norsk rekord i rykk i 69-kilos klassen. Han klarte å få opp 101 kilo og blir no ståande i rekordprotokollane.