Countrystjerne returnerer til Breim

Artistlista til årets utgåve av Norsk Countrytreff på Breim er byrja å fylle seg opp. Frå før er det klart at Vince Gill, Hellbillies og Vassendgutane kjem til Breim.

• LES OGSÅ: Han blir hovudartist på Breim

Med 100 dagar att til festivalstart, presenterer arrangørstaben også Bobby Bare.

– Han var her då det heile starta, og no er han på plass igjen nesten 20 år etter, seier ein nostalgisk artistansvarleg Nils R. Sandal i ei pressemelding.

• LES OGSÅ: Countryfestival med prisvinnarar

Bare stilte i år i den norske Melodi Grand Prix-finalen saman med Petter Øien frå Sie Gubba. Med låta «Things Change» tok dei seg vidare frå delfinalen i Florø til gullfinalen .

Amerikanaren har gjeve ut 40 album i løpet av si 50 år lange karriere innan countrymusikk. Mellom dei store hitane er «500 miles away from home», «Detroit city», «The streets of Baltimore» og «Four strong winds».

• LES OGSÅ: Går frå rektorjobb til countryfestival