Brot i budsjettforhandlingane i Bergen

Miljøpartiet dei Grøne, Raudt og Sosialistisk Venstreparti bryt med budsjettforhandlingane i Bergen. Det opplyser partia i kvar sin pressemelding. MDG meiner byrådspartia stiller fleire ultimatum som i praksis sperrer for viktige tiltak for klima, natur og psykisk helse.

Gruppeleiar i SV, Mikkel Grüner, seier det har vore minimalt med framgang dei siste vekene då partia har snakka saman.

Arbeiderpartiet seier dei beklager at SV og MDG går ut av forhandlingane før dei har begynt.

– For Ap og Venstre er det uaktuelt å gjera kvardagen til folk endå vanskelegare ved å påføra bergensarar fleire utgifter i form av auka eigedomsskatt, seier Geir Steinar Dale (Ap).