Den unge mannen ville stele sigarettar frå ein kafe i Stryn, men stakk av då han utløyste alarmen. No må han betale 3500 kroner i bot, 2500 kroner i erstatning, og han er dømd til 18 dagars fengsel på vilkår.
I tillegg har politiet fått medhald i at dei kan ta hand om innbrotsutstyret til mannen. På lista står to brekkjarn, ei avbitartang, fem skrutrekkarar, ein bag, ein tapetrull, to arbeidshanskar og to fleecetepper.