Brannsjefen såg brannen starte

Frå soveromsvindauget vart brannsjefen i Vik vitne til den eksplosive brannen på Hopstock Hotell & Motell:

Medan han kledde på seg såg han flammane spreie seg i enorm fart.

• LES OGSÅ: Måtte sjå hotellet sitt i full fyr

- Gjekk mykje gjennom hovudet

- Eg bur slik til at eg ser rett ned på hotellet. Eg såg brannen eksplodere nordover mønet, seier Per Martin Berglund.

Han legg til:

- Deretter fekk eg greie på at det var mange gjester på hotellet. Då gjekk det mange tankar gjennom hovudet mitt.

• LES OGSÅ: Ærverdig hotell - har brunne før

Trudde først det var falsk alarm

Brannalarmen ved Hopstock Hotell & Motell gjekk ved halv tre-tida natt til fredag. Brannvesen og ambulanse var raskt på staden, og fekk saman med dei hotelltilsette evakuert dei 65 gjestene ved hotellet.

• LES OGSÅ: Fryktar brannen kan vere påsett

Også for gjestene var brannen ei dramatisk oppleving. Torunn Lindland Gaarden låg og sov då alarmen gjekk.

- Dei fleste av oss trudde det var falsk alarm. Heilt til vi kom ut i gangen - då kjende vi røyklukta. Det var skremmande kor raskt brannen spreidde seg, seier ho.

Artikkelen held fram under biletet

Meiner brannen må ha starta ute

Politi på staden trur brannen kan ha oppstått i nokre klede som hang til tørk utanfor hotellet, men veit førebels ikkje om brannen kan vere påsett.

Brannsjefen vil ikkje slå fast anna enn at brannen starta ute.

- Eg kan ikkje uttale meg om årsaken, men det ser ut for at brannen har starta ute, seier Berglund.