SISTE: Brannen er sløkt, melder politi og brannvesen
Meldinga om brannen kom rundt kl. 10.20. Brannen har oppstått i ei leilegheitsrekke med åtte leilegheiter
Rundt kl. 11.30 melde 110-sentralen at det kan sjå ut som dei kan greie å hindre spreiing.
– Brannvesenet greier truleg å avgrense brann mot naboleilegheitene. Ut frå situasjonen no kan det sjå ut som vi så smått begynner å få kontroll, fortel vaktkommandør Christer Skei ved 110-sentralen.
Det skal ikkje vere folk i leilegheita. Det er heller ikkje meldt om at nokon er skadde. Folk i naboleilegheita er evakuerte ut.
– Leilegheita det brenn i ligg i enden. Det brenn godt og er fare for spreiing, sa operasjonsleiar Per Algrøy til NRK tidlegare i dag.
Skei fortel at det blir sendt mannskap frå Haugesund for å berge ut verdiar og gjenstandar frå naboleilegheiter. Det vil bli drive ettersløkking utover dagen.
Fylkesveg 500 har vore stengt som følgje av brannen, men der er no manuell dirigering i eit felt.
