Mykje nedbør siste dagane fører til høg vasstand i mange elvar.
- Følg med
Norges Vassdrags- og energidirektorat, NVE, oppmodar folk som bur nære elvar om å følgje godt med.
- Fleire stader er isen no botnfrosen og vatnet går over isen. Når isen losnar kan den demme seg opp og det kan byggje seg store vassdemningar, seier Helge Leiv Nordvik i NVE.
(Artikkelen held fram under biletet)
I Jølster vart ein mann som arbeidde i Gjesdalselva dratt med av is og snømassar under arbeid måndag morgon. Mannen vart funnen att fleire hundre meter lenger nede i elva.
- LES OG:
Nedbøren har også ført til ei rekkje snøskred. Måndag morgon var over 20 vegar stengt på grunn av ras eller fare for ras. I Jølster sperra eit stort sørpeskred E39 i fleire timar.
- LES OG:
- LES OG:
To meter høgre enn normalt
Saman med Førde kommune var NVE måndag føremiddag ute for å vurdere situasjonen ved elva Anga ved sentralsjukehuset i Førde.
Måndag er elva to meter høgre enn normalen etter at is og snømassar har hopa seg opp og stogga vassmassane.
(Artikkelen held fram under biletet)
- Det er mange år sidan vasstanden har vore så høg her. Folk som bur i nærleiken av elvene bør følgje med på korleis ting utviklar seg, seier Nordvik.
Han oppmodar folk som har spørsmål eller problem om å kontakte kommuneleiinga der dei bur.