Arne Fiskerstrand har jobba i åtte barnehagar over 30 år i Sogn og Fjordane, og meiner høyrselen er skadd som fylgje av støy. Han har tinnitus, ein konstant sus i det eine øyret.
– Eg vakna ein morgon i haust med ein lyd i øyra. Den har ikkje gitt seg, seier han.
Har døme på skrekkmålingar
STØYMÅLAR: Slike målarar er plassert i mange barnehagar. Her kan både ungar og vaksne følgje med på om støynivået er for høgt.
Foto: Gisle Forland / NRKPrivate Barnehagar sitt Landsforbund måler støy i barnehagar. I 2013 hadde alle over 70 desibel i gjennomsnitt, og lovverket seier då at tiltak skal gjerast.
- LES OGSÅ:
Yrkeshygienikar Finn Berntsen i forbundet, trur støyen kan føre til dårleg læringsmiljø, slitasje, stress og høgare sjukefråvær. Men at det berre er dei færraste som får høyrselsskadar.
– Det er veldig sjeldan at vi måler så høg støy at eg har blitt uroa for at det skal gi høyrselsskadar. Men vi har vore i barnehagar der eg verkeleg har sagt at dei bør byrje å jobbe med at det er for høgt støynivå. Det er døme på skrekkmålingar i enkelte avdelingar, seier han.
Trur ikkje det er nok fokus
PBL har målt støyen i 134 barnehagar dei siste tre åra. Rundt halvparten hadde over 80 desibel i gjennomsnitt. Arbeidstilsynet skriv på sine heimesider at slike nivå kan er høyrselsskadeleg, og at arbeidsgjevar då skal stille høyrselsvern til disposisjon.
Berntsen trur viktige grunnar til dei høge tala er større barnehagar, fleire born per tilsette og bygningar som ikkje er tilpassa, men heller forsterkar lyden.
– Kanskje noko av det viktigaste er at vi ikkje har hatt nok fokus på dette, seier han.
Arne Fiskarstrand er sikker på at det er dei mange åra på jobb i barnehagar som har ført til skaden i øyra.
– Den har kome fordi eg har teke den belastninga det er å jobbe i barnehage i over 30 år. Det er eg ikkje i tvil om, seier han.
- LES OGSÅ:
- LES OGSÅ: