– Saka har vore veldig krevjande og vi føler det har gått seint framover. Partane har hatt ulike oppfatningar av saka, seier bransjeansvarleg for fiskeri og havbruk i sparebanken, Roger Svarstad.
Måndag blei det kjend at staten betaler 20 millionar kroner i erstatning etter at Havforskningsinstituttet selde smitta yngel til oppdrettaren Nærøysund AS i 2006.
Administrerande direktør i Havforskningsinstitutet, Tore Nepstad, seier at dei skulle ha varsla Nærøysund AS om at instituttet hadde smitte i anlegga sine.
Ei rettsak hadde kosta tid og pengar
Selskapet blei slege konkurs i 2009 etter at all torsken måte slaktast då den hadde fiskesjukdommen Francisella.
Svarstad seier det sjølvsagt skulle ønskje dei fekk meir pengar, men seier at slik blir det med forlik.
– Begge partane er vel passeleg nøgde og passeleg misnøgde. Det har vore ein lang prosess og vi var glade for å komme til eit forlik. Skulle vi køyrd denne saka i rettssystemet, hadde det kosta både mykje tid og pengar.
- LES OGSÅ:
Banken hadde bevisbyrden
Dermed kunne det fort gått eit par år ekstra, i ei sak som allereie har teke to og eit halvt år.
– Det har teke så lang tid, fordi sparebanken har hatt bevisbyrden og vi har jobba for å få fram fakta, seier han.
Det samla kravet mot Havforskingsinstituttet var på 45 millionar kroner.
– Men i den summen var ikkje berre vårt krav, seier Svarstad.
Dei 20 millionane banken no får, skal gå som ei innteksføring på det tidlegare tapet.
- LES OGSÅ:
- LES OGSÅ: