Det totale tapet for oppdrettsselskapet Nærøysund AS er på 50 millionar kroner, og det vert det sannsynlege kravet. Det seier tidlegare dagleg leiar og storaksjonær Karl-Petter Myklebust, til Bergens Tidene.
Det er kreditorane i konkursbuet som kjem til å krevje erstatninga.
Smitta fiskeyngel
Havbrukselskapet Nærøysund fekk eit omfattande utbrot av fiskesjukdomen francisella.
Det førte igjen til at Nærøysund AS i Florø 2. oktober. Myklebust meiner Havforskingsinstituttet har skulda for konkursen.
Myklebust hevdar han kan dokumentere at smitten kom frå stamfisk frå anlegget til Havforskingsinstituttet, som leverte yngelen .
Avdelingsdirektør i Havforskingsinstituttet, Øystein Brun, seier ein på dette tidspunktet ikkje kan seie om francisella-bakterien, som øydela for Nærøysund AS, faktisk kom frå deira leveransar av yngel.
Lang konflikt
Det er ikkje første gong Nærøysund AS og Havforskinginstituttet er i klammeri. Dei har det siste året krangla om kven som har ansvaret og kven som skal dekke erstatninga.
Sparebanken Sogn og Fjordane er største kreditor i konkursbuet, med eit lån på 36 millionar til Nærøysund AS. Sparebanken konsentrere seg no om å få seld unna fisk. Dei vil i neste omgong forfølgje kravet mot Havforskingsinstituttet.
Første skiftesamling i kjølvatnet av konkursen vert halde i Fjordane Tingrett onsdag.