– Har du ikkje vinterdekk no, så er det eit sjansespel, legg han til.
Han seier temperaturen varierer frå minus tre til null grader.
– Det blir kaldare mot helga, og i høgda vert snøen mest truleg liggjande.
Vegtrafikksentralen har måndag fått ein del tilbakemeldingar frå brøytemannskap om at bilar framleis kjem rullande med sommardekk.
– Folk må tenkje på medtrafikantane også. Det er eit sjansespel å ikkje ha på rett type dekk no, seier han.
Statsmeteorolog Kristin Sæter ved Vêrvarslinga på Vestlandet stadfestar at det kan bli vanskelege køyreforhold på fjellet.
– Det kan bli mykje vind og snø utover dagen, så forholda blir nok ikkje betre, seier ho.
Både i Hordaland og Sogn og Fjordane kan det komme snø over 600–800 meter.
– Det blir gradvis kjøligare utover dagen og vi kan få snø ned mot 200–500 meter i kveld.
Alt regnet som har kome har også ført til flaumfare.
- Les: Varselet på varsom.no
– Eg vil tru det blir litt betre når snøgrensa går nedover, for blir flaumfaren redusert. Det har også gått frå jamn nedbør til byer, og dette er med på å redusere faren for flaum.
Meteorologisk institutt har sendt ut gult farevarsel om vanskelege køyreforhold i Sør-Noreg på grunn av all nedbøren.
I Hordaland og Rogaland ligg varselet i øvre del av gult nivå. Mykje vatn kan gi auka vassføring i bekkar og elvar.
– Lokalt kan det bli flaum eller erosjonsskadar i bekkar og mindre elver, og det kan bli overvatn i tettbygde område, noko som kan føre til stengde vegar og bruer, melder varsom.no.