I fjor trilla nesten 700.000 tungbilar innom utekontrollane til Statens vegvesen.
Av dei vart 96.000 henta inn til ein grundigare sjekk. På fleire enn anna kvar av desse fann Vegvesenet feil.
– Det er viktig for alle som ferdast på vegane at både tungbilar og personbilar er trafikksikre og kontrollane har veldig god effekt, seier Kjell Olafsrud i Noregs lastebileigar-forbund.
Raudt lys
Nokre få sjåførar som ofte bryt reglane blir markert med raudt lys. Dei må alltid innom grundig kontroll.
Dette kan gjelde brot som å køyre for lenge utan kvile eller å bevisst køyre med ein bil i dårleg stand.
Foto: Scanpix.
Gult lys
Ein del sjåførar har gult lys.
Dei har hatt nokre feil her og der, og vil ofte oppleve å bli kontrollert grundig.
Foto: Håkon Mosvold Larsen / NTB.
Grønt lys
Dei fleste sjåførar har grønt lys.
Dei har stort sett alt på stell, og vil sjeldan få grundig kontroll med mindre kontrollørane mistenker feil medan sjåføren trillar gjennom vegstasjonen.
Foto: Vegard Wivestad / NTB scanpix.
1500 kvilte for lite
Sjølv om Vegvesenet kontrollerte 10.000 fleire tungbilar i 2024 enn året før, vart færre melde til politiet.
Av 1500 tilfelle der kontrollørane såg seg nøydde til å melde sjåføren til politiet, gjaldt over 1000 av desse sjåførar som ikkje har fått seg nok kvile.
– Det er eit høgt tal, og derfor har vi den store innsatsen vi har.
Det er Kjetil Wigdel i Vegvesenet klar på.
Få sjåførar blir melde til politiet, her var dei med for å ta promillekontroll.
Foto: Magnus Vattekar Sandvoll / NRK– Viktig system for å ta verstingane
– Det er jo greitt å bli kontrollert, det er ikkje alt vi sjekkar dagleg, seier lastebilsjåfør Gaute Porten Øen.
Kontrollørane oppdaga nemleg at Øen hadde ei sprokken bremseskive då han rulla inn på Førde trafikkstasjon.
Feil som denne er blant dei mest vanlege.
Kontrolløren ser at papira til sjåføren er i orden medan han er innom.
Kontrollørane fortel om godt samarbeid med sjåførane dei møter, her hjelper sjåføren å lyse slik at det er enklare å sjå problemet.
Ein bremseskiva på bilen til sjåfør Gaute Porten Øen var sprukken og han er pålagd å ta den inn til verkstad.
Transport & logistikkforbundet meiner kontrollane har gjort bransjen meir seriøs med åra.
Både dei og Norges Lastebileier-Forbund (NLF) erkjenner i at kontrollane er eit viktig verktøy for å fakke verstingane på vegen.
– Vi har ei klar oppfatning av at kvaliteten på alt som rører seg på vegane av både lastebilar og personbilar blir gradvis betre, seier Kjell Olafsrud i NLF.
Livsfarleg pynt
Ein av feila kontrollørane ofte tek tak i er overpynta frontruter.
Nokre sjåførar har vimplar i ruta, PC på dashbordet eller liknande, seier Wigdel i Statens vegvesen.
Svære bøffelhorn er blant feila Vegvesenet møter på.
Foto: Statens vegvesen– Det er ikkje berre bagatellar, for blindsonene er store nok som dei er. I verste fall ser ikkje sjåføren ein syklist eller fotgjengar. Potensielt er dette veldig farleg.