24 helsetilsette mista autorisasjon

Fylkeslege Per Stensland seier det er tre hovudgrunnar til at helsepersonell mistar godkjenninga til å utøve yrket sitt.

- Det mest vanlege er rus og utidig oppførsel av forskjellig art. Mellom anna inneber det seksuell utnytting av pasientar, i tillegg kjem alvorleg sjukdom, seier Stensland.

• LES OGSÅ: Sjukepleiar tiltalt for sexmisbruk

Nesten dobbelt så mange som i Aust-Agder

Helsetilsynet sin statistikk viser at 24 personar har mista autorisasjonen i Sogn og Fjordane. Det er nesten dobbelt så mange som i Aust-Agder, eit fylke med nesten like mange innbyggjarar.

Stensland meiner tala er så små at fylkesvise skilnader er vanskelege å forklare.

- Når ein deler dette ned på fylkesnivå, så er forskjellane for små til å seie noko fornuftig om det, seier Stensland.

• LES OGSÅ: Sjukepleiar stal medisinar på jobb
• LES OGSÅ: Mista jobben på grunn av medikament

(Artikkelen held fram under biletet)

Flest sjukepleiarar

Ifølgje statistikken frå Helsetilsynet er det både legar, hjelpepleiarar, psykolog, omsorgsarbeidar og fysioterapeutar som har mista autorisasjon for å arbeide i helsevesenet.

Den største gruppa er likevel sjukepleiarar – i alt har ti sjukepleiarar mista autorisasjonen.

- Isolert sett så er det positivt at talet er lite, men helst skulle vi sett at ingen hadde mista autorisasjonen, seier Oddgeir Lunde som er fylkesleiar i sjukepleiarforbundet.

Han viser til at sjukepleiarar er den største yrkesgruppa innan helsesektoren, men poengterer likevel at eitt tilfelle, er eitt for mykje.

• LES OGSÅ: Mista amublanse-autorisasjon

- Dette er viktig

Også fylkeslegen meiner talet er lite.

- Samtidig er det veldig viktig at farleg helsepersonell vert teke ut av teneste, seier Stensland.

• LES OGSÅ: Ambulansepersonell vert etterforska