Samtidig som rekordmange er tatt på fersken med for høg fart gjennom Lærdalstunnelen på E16 i Lærdal, er færre tekne i dei andre tunnelane i fylket som har fotoboksar.
- Dette har samanheng med at det er forskjell på kor mange timar kamera er i bruk, seier Johnny Jansen, koordinator for Automatisk trafikkontroll i politiet.
Blinka dobbelt så mange i Lærdal
Dei automatiske trafikkontrollane i Lærdalstunnelen på E16 tok i fjor 689 fartssyndarar. Så langt i år har fotoboksane blinka 1127 gongar. Det er nær ei dobling, men forklaringa ifølgje Jansen enkel.
Han forklarer nemleg at fotoboksane som heng til skrekk og åtvaring langs vegane ofte er tomme.
Men i år har det oftare vore kamera i boksane på den viktige fartsåra mellom austlandet og Bergen.
- I forhold til i fjor har kamera vore i bruk 1500 timar meir. Det gjer at vi i år har fått denne markante auken, seier Jansen.
I fjor viste tal frå Statens Vegvesen at fleirtalet av alle bilar i Lærdalstunnelen braut farstgrensa. Mange må i fengsel for råkøyring her.
- LES OG:
- LES OG:
- LES OG:
Mange tunnelar med tomme fotoboksar
Men det er ikkje berre i Lærdalstunnelen fotoboksane lurer på tunnelveggane. Både Gudvangatunnelen på E16, Fodnestunnelen på riksveg 5 i Lærdal og Naustdalstunnelen på riksveg 5 i Sunnfjord er utstyrt med fotoboksar.
Medan politiet har intensivert jakta på farts og promillesyndarane langs vegane i fylket, tek fotoboksane i tunnelane jamt og trutt sin del av fartssyndarane.
Førebels ligg det ikkje føre tal for Naustdalstunnelen, viser tala at færre bilførarar er tatt for råkøyring i Gudvanga- og Fodnestunnelen. Her er årsaka at ein i år har hatt færre kamera i drift.
- LES OG:
- Mange råkøyrer mellom fotoboksane
Jansen har ikkje inntrykk av at det generelle fartsnivået i tunnelane i fylket er høgt. Men fleire snik seg truleg unna forenkla førelegg for råkøyring.
- Det vi registrerer meir og meir er at folk kanskje er litt hardare på gassen mellom fotoboksane, seier han.
Dette er nok fordi folk er blitt kjende med kor boksane er plasserte og køyrer deretter, forklarar Jansen.
Ein som derimot vart tatt av fotoboksane, var ein 19-åring som vart blinka i 193 km/t.
- LES OG: