Stadig fleire mistar lappen

Mange trur kanskje at det fleste som mistar lappen er fartssyndarar, men storparten av dei som får førarkortet inndrege her i fylket er tekne med promille i blodet.

Så langt i år er det inndrege 110 førarkort, medan talet på kverrsette førarkort var 89 i heile fjor.

– Auka innsats i trafikken

Politietmeister Johan Brekke i Sogn og Fjordane politidistrikt meiner dei har blitt flinkare til å ha kontrollar langs vegane, og at det er orsaka til at dei tek fleire.

– Vi har auka innsatsen var. Vi har hatt fleire trafikkontrollar og meir målretta kontrollar, seier Brekke til NRK.no.

Den auka innsatsen har gitt klare resultat. I heile fjor tok politiet 32 førarkort på grunn av høg fart. Hittil i år er det tatt 51 førarkort.

– Vi har fått fleire og betre lasarmålarar enn før. Vi har ingen indikasjonar på at folk køyrer fortare enn før, seier Brekke.

(Artikkelen held fram under biletet)

Flest utanlandske fyllakøyrer

Men det er altså fyllakøyrarane som får flest sertifikat inndregne.

I heile 2009 vart 57 bilførarar tekne for promille. Så langt i år er talet 59. Politimeisteren ikkje gått i djupna på årets tal, men då han såg nærmare på fjorårstala viste det seg at det slett ikkje er dei innfødde som er verstingane.

– 22 av dei 57 var utanlandske statsborgarar. 18 av dei var frå austeuropa. Dei har eit anna drikkemønster, ein anna kultur og andre reglar. Mange av dei manglar rett og slett kunnskap om regelverket, seier Brekke.

Fekk kritikk i undersøking

Ifjor vart politiet i fylket slakta av ei spørjeundersøking. Innbyggjarane i Sogn og Fjordane slakta politiet sin innsats i trafikken. Kritikken frå folket var på sin plass ifølgje politimeisteren.

– Eg forstår at publikum ikkje var nøgde fordi vi ikkje gjorde ein god nok innsats i trafikken. Det har vi tatt konsekvensen av, og har troppa opp innsatsen vår på det feltet i år, seier Brekke.