100 sjåførar i konvoi for sikrare europaveg i Førde

Klokka 13 søndag ettermiddag starta ein stor lastebilkonvoi ferda frå Førde verft til Kårstad transport.

Deltakarane meiner det hastar å få på plass ein tunnel som gjer at E39 går forbi 50-sona i sentrum, og vil ha fortgang i planane.

Magnar Hellebust sit i NAF sit lokalstyre i Fjordane og Ytre Sogn. Han er spesielt bekymra for ferdselen i den bratte og svingete Halbrendslia.

– Vi hadde ein trailer som velta her i denne svingen ein vinter. Vegen var stengd i fleire dagar, seier han til NRK.

– På sommaren var det ein som stod i den slyngen lenger oppe som stod, ifrå Os Transport. Han sa at det der er den farlegaste svingen på E39.