Juridisk fakultet avsluttar avtale med israelsk universitet

Styret ved Det juridiske fakultet ved Universitetet i Bergen har bestemt å avslutte utvekslingsavtala med Universitetet i Tel Aviv, melder Bergens Tidende.

– Eg er veldig glad for vedtaket. Det er eit viktig og riktig vedtak ut ifrå situasjonen i Gaza og angrep på akademisk fridom for palestinarar på Vestbredden, seier professor Terje Einarsen ved UiB til BT.

Òg Studentparlamentet ved UiB ønskjer vedtaket velkommen, seier leiar Kaja Ingdal Hovdenak til NRK:

– Me er veldig nøgd med at fakultetsstyret har lytta til oss studentar som har uttrykt misnøye med slike samarbeidsavtalar, som bidreg til krigføring som bryt med Folkeretten.