Politimelder skadeverk på helleristingar
Nokon har rissa og måla figurar og initialar inn i bergflata på det 6000 år gamle bergkunstverket i Ausevika i Kinn kommune.
Fylkeskommunen melder no skadeverket til politiet.
Mellom anna har noko rissa inn ein penis på undersida av eit hjortedyr. Også initalane EHT og talet 23, samt tre figurar.
– Moderne innristingar som dette har vist seg nær sagt umogleg å fjerne utan å gjere meir skade på bergflata, seier avdelingsdirektør Per Morten Ekerhovd i ei pressemelding.
Det er kring 300 helleristingar i Ausevika. Feltet har vore tilrettelagt sidan 2009.
Over sommaren vurderer fylkeskommunen, kulturmiljøforvaltninga og grunneigar Kinn kommune kva tiltak ein kan setje i verk for å hindre meir skadeverk.