Ny Trolltunga-aksjon i går

I går kveld rykka Tyssedal Røde Kors ut med tre mann og ATV for å hjelpa ei kvinne med ankelskade i området rundt Topp, skriv Hardanger Folkeblad. Kvinna blei tatt ned med ATV, og køyrd til ambulanse i Skjeggedal. Dette er den åttande redningsaksjonen på Trolltunga så langt i år. – Det er mykje til å vera såpass tidleg i sesongen. Eg fryktar ein heftig sesong, seier Knut Atle Øyre i Tyssedal Røde Kors.