I morgonsendinga på NRK Sogn og Fjordane fekk lyttaren spørsmål om streik er eit godt verkemiddel eller om det er ein uting.
Streikande i Florø.
Foto: Vidar Gudvangen / NRK- LES OGSÅ:
Og lyttarane dei hadde mange meiningar om streiken.
Arne Johan Vereide frå Sandane skreiv inn på sms at han synest det heile var gått for langt. Og han meiner at alle støttar likhetstanken for alle som er i streik når det er lønn for likt arbeid.
Trond meiner at streik er ein uting, og at vi er bortskjemde.
Medan Jorunn synest det er veldig viktig at Fagforbundet ikkje gjekk med på at 'likelønspotten' gjekk til lokale forhandlingar. Ho meiner det aldri ville vorte rettferdig.
Torunn Refvik, Turid Strand og Harald Ellingsen står streikevakt i Måløy.
Foto: Asgeir Reksnes / NRK- LES OGSÅ:
Det same skreiv Nils Ola inn på sms. Han meiner at når alt anna er prøvd utan at vi har oppnådd likeløn, er streik eit lovleg og rett våpen i denne svært viktige kampen. Lukke til alle som kjempar for likeverd.
Rita-Therese Thorsnes Herland frå Atløy meiner at det berre skulle mangle at alle som har lik utdanning har lik lønn.
Det same skreiv Per Tore Molland frå Indre Hafslo på sms til NRK Sogn og Fjordane.
- LES OGSÅ:
- Streik er ei plage for uskuldige, men dei skuldige er arbeidsgjevar som sit på gjerdet og ser på utan å reagerar, seier Inga Reidun Sjøthun frå Luster.
Men Bjørn derimot meinte at streik berre er tull. Han oppmoda heller om å gje skattelette i staden for å auke lønningane.
- Like lang utdanning krev lik løn, det er soleklart. Dessutan er det desse folka vi treng mest, seier Målfrid Skaar frå Dale.
- LES OGSÅ:
Ragnar gjev si fulle støtte til dei streikande med denne meldinga; Stå på og krev lønn! Snart på tide at dei på golvet byrjar å tene pengar. Lurer på om dei i storting og regjering godtar eit tillegg på 1 krone timen?
- Tek ein bort streikeretten for arbeidaren vert det arbeidsgjevaren som alltid har rett, meiner Anna Sofia Skaar frå Vadheim .
Kva meiner du om streiken? Sei di meining!