Det skjer dersom streiken blir trappa opp frå onsdag 2. juni. Totalt vil det då vere 36 streikande i Førde kommune.
Til no har hovudsaka av dei 23 tilsette arbeidd i Hafstadvegen 21. Førebels har ikkje streiken råka skular, barnehagar eller helse- og omsorgstenesta.
No vil streiken derimot føre til redusert tilbod ved skulefritidsordninga til Slåtten skule. I tillegg vil ekspedisjonstenesta for helse og barn bli noko redusert.
Kommunen er også i gang med å finne alternativ løysing for at bebuarane på helsetunet skal få mat. Tilsette ved kjøkkenet er mellom dei som blir tekne ut i streik.
Psykisk utviklingshemma vil få dårlegare tilbod. Truleg vil heile kantinetensta på Berge falle vekk. Tunge brukarar vil ikkje bli råka av streiken, opplyser kommunen.