- Me har streikevakter på 19 arbeidsplassar. Dei som tilhøyrer arbeidsplassane, er altså ute og står vakter, seier Eli Østerbø, hovudtillitsvalgt i Fagforbundet.
Rammar heile fylket
I dag trappar streiken i kommunane opp, og 403 tilsette vert tekne ut i streik i Sogn og fjordane. Det er ei opptrapping på 145. Forbundet Delta har teke ut 36 personar i Førde i streik. Medan Fagforbundet i Flora, Vågsøy og Årdal tilsaman tek 367 medlemmer ut i streik.
Les også:
Les også:
SFO tilbodet på Florø barneskule vert hardast råka i dag. Skulen har valgt på stengje tilbodet, sidan 18 tilsette der er i streik. Åtteåringen Sivert synest det er leit. Han har ei klar formeinig om kva streiken går ut på.
Slik råkar streiken i Florø:
* Fagarbeidarar og assistentar i skule, barnehage og SFO tekne ut i streik.
* Dei fleste reinhaldarane, med unntak av omsorgstenesta
* Vedlikehalds- og teknisk personale
* Tilsette ved økonomiavdelinga og tenestetorget
* Tilsette ved samfunnshus, kino, biliotek
* Havhesten og Flora hamn.
Foreldra må ta seg av ungane sjølve
- Nokon kranglar. Viss nokon kjem på ei god idé og nokon seier "ja", så ver det ikkje streik. Men viss dei held fram å krangla, vert det streik likevel.
Østerbø fortel dei har budd seg lenge på streiken og kven dei skal ta ut.
- Skular, barnehage, SFO. Så er det kultur og Havhesten. Vaktmeisterara og reinhald, men ikkje dei som jobbar i omsorgstenesta.
- Korleis vil innbyggjarane i Flora råka i dag?
- I dag er det slik at foreldra kanskje må ta seg av ungane sjølve.
8-åring ber dei vaksne tenkja
Sivert har ein ide om kva som skal til for at partane i konflikta skal klare å bli samde.
- Då må dei fyrst tenka og koma på ein god idé, og så må ein annan seia "ja".