- Medieutspela dine stigmatiserer bygdefolket. Når du seier dei ikkje har kunnskap til å ta standpunkt på eige grunnlag er det svært uheldig. Ordføraren skal vere ein samlande figur. Slik du står fram har det ført til endå meir splitting . Eg håpar du kan kome fram på talarstolen og be folk i Luster om orsaking, sa Steinar Bruheim frå talarstolen i Luster kommunestyre.
Utsegnene frå Venstre-representanten frå Jostedalen heva temperaturen fleire hakk i den avgjerande debatten rundt Luster Bad. Der gjekk han mellom anna til åtak på formannskapet sitt vedtak for badelandet.
- Det vedtaket formannskapet gjorde er elendig politisk handtverk. Det er talmagi, sa Bruheim.
- Eg hadde kvidd meg for å stå opp om morgonen om eg hadde svartmåla kommunen vår slik du gjer, svarte partileiaren i Luster AP, Stein Olav Njøs.