- Lite flinke
- Eg synst vi har vore altfor lite flinke til å framheve fjordhesten, også i turistsamanheng, seier Else Løkke som er leiar i Midtre Nordfjord Fjordhestlag
Stort potensiale
Men Løkke er ikkje i tvil om at det finst eit stort potensiale for fjordingen. Særleg ovanfor turistar.
Ho har sjølv opplevd stor entusiasme frå turistar når dei får auge på hennar fjordingar i Myklebustdalen på Byrkjelo.
- Når det kjem bilar med turistar, så stoppar dei og går ut av bilane. Dei klappar litt på hestane og kosar seg, seier Løkke.
Les og:
- Kunne vore betre
Leiar i Norsk Fjordhestlag, Kristian Bakken er einig i at det kunne vore gjort meir for å profilere fjordingen ovanfor turistar.
- Det er klart det burde vere eit stort potensiale å bruke fjordhesten i ein slik samanheng. Det ein då er avhengig av er at hesteeigarane vil stille opp med hestane sine, seier Bakken.
- Har de gjort ein skikkeleg jobb i Norsk Fjordhestlag for å profilere fjordingen?
- Alt kan jo gjerast betre her i verda, også den profileringa, seier Bakken.