der det kom fram at Fkade Thaye bevisst har halde identiteten sin tilbake for norske myndigheiter.
.
- Har ikkje lagt korta på bordet
Men informasjonssjef i UNE, Bjørn Lyster, seier Fkade Thaye mellom anna har fila fingrane for å unngå fingeravtrykk. Han seier at det er ingen tvil om at Sjeggestad har full dekning for det han skriv i kronikken.
- Dersom nokon kjem hit og gjer skade på fingertuppane slik at ein ikkje kan kjennast att ved fingeravtrykk, og heller ikkje opplyser at ein har vore i andre land i Schengenområdet, då er det klart at ein ikkje har lagt korta på bordet.
Først då det vart mogeleg å ta fingeravtrykk, vedgjekk Thaye at han hadde vore i Italia.
- Advokaten hevdar at det ikkje kjem fram i nokon dokument at han har skjult identiteten sin. Kva meiner du om dette?
- Dette burde advokaten heilt klart vite.
- Merkeleg
Lyster meiner at hovedpersonen i saka ikkje har noko å tene på at saka blir belyst slik i media.
- Det hadde vore betre om dette vart liggjande slik at det vart ro om saka når den no skal behandlast i Italia.