Frp tok opp spørsmålet om å opne Storgata på Notodden under kommunestyremøtet torsdag kveld.
Om lag 25 rånarar følgde debatten i kommunestyret. Men det blei ikkje fleirtal for å opne Storgata før prøveperioden er over i oktober.
Ap fristilt
Forslaget om å opne Storgata for trafikk før prøveperioden er over fekk ikkje det nødvendige fleirtalet bak seg i kommunestyret.
Frp, Krf og delar av Arbeiderpartiet stemte for å avslutte forsøket med gågate i Storgata.
Det var på førehand knytta spenning til kva Ap ville røyste i saka, og partiet hadde på førehand fristilt gruppa si i denne saka som har blitt vanskeleg for partiet.
Ordførar Bjarne Bakken var blant dei i Ap som stemte mot å opne Storgata for trafikk igjen.
Vil aksjonere
Rånarane var tydeleg skuffa etter møtet i kommunestyret og lova aksjonar i form av kolonnekjøring i byen.
Like etter at møtet i kommunestyret var slutt kom også politiet bort til rånarane for å be dei skru av mobiltelefonane og dra heim kvar til sitt.
Rånarane vil samlast torsdag kveld for å avgjere kva form dei vil aksjonere.