Skipsverftet Vard i Brevik har i dag fått ein ny kontrakt for eit offshore supply skip til ein verdi av 300 millionar kroner.
Les også:
Kontrakten er inngått med Island Offshore, som frå før har kontrakt på fem skipsskrog som blir utrusta ved verftet i Brevik.
– I dag har vi feira ein ny kontrakt med vår trofaste kunde Island Offshore. Det var svært gledeleg å kunne annonsere på ein fredag, seier Lars Ivar Bøe, direktør i Vard Brevik.
Skipet skal leverast i første del av 2016. Skroget vil bli levert frå Vard sitt skipsverft i Romania.
Les også:
Trufast kunde for Vard
Lars Ivar Bøe seier det betyr veldig mykje for Vard Brevik å ha slike trufaste kundar som Island Offshore.
Dette er ordre nummer 30 Vard Brevik har fått frå Island Offshore sidan rederiet blei etablert i 2003.
– Vi har god tillit til kvarandre. Og dei relasjonane vi har til rederiet er unike, seier Bøe.
Det er tøffare tider med mindre investeringar i oljebransjen, og difor betyr den nye kontrakten mykje for skipsverftet i Brevik.
– Det er tøffare tider oljebransjen. Men nå er vi sikra arbeid til sommaren 2016 her i Brevik, og det er vi veldig fornøgd med, seier Bøe.
Les også: