Onsdag sa olje- og energiminister Odd Roger Enoksen at gassrøyret til Grenland er fullfinansiert utan bidrag frå staten.
Kraftige reaksjonar
I Arbeiderpartiet er det kraftige reaksjonar på at olje- og energiministeren ikkje hadde informert næringsministeren om finansieringa av gassrøyret på førehand.
Også statsminister Jens Stoltenberg var uvitande om utspelet til Enoksen.
Etter det NRK kjenner til var det truleg meininga at næringsminister Dag Terje Andersen skulle informere om finansieringa av gassrøyret under 1. mai talen i Porsgrunn og Skien.
Stortingsrepresentant og leiar i Telemark Arbeiderparti, Terje Lien Aasland, meiner Grenland kan innstille seg på å få eit gassrøyr i 2012.