– Kan ikkje gripe inn

Innsparingsplanane som inneber å leggje ned akuttfunksjonane på Rjukan og i Kragerø skaper stor debatt i distriktet.

• – Opplevdes svært truende
• Rasande politikarar forlet sykehusmøte i protest

Må ha is i magen

Frps Kristian Norheim ber sjukehuset ha is i magen og vente til den nasjonale sjukehus- og helseplanen er lagd fram.

– Frp er kritisk til nedlegging av lokalsjukehus. Det har vi vore heilt tida, og det er vi fortsatt, seier Norheim.

Men Framstegspartiet vil syne respekt for den prosessen som er igang ved Sjukehuset Telemark.

• – Dramatisk for Rjukan og Kragerø
• – Sykehusforslaget kan skape utrygghet

Bekkevold er uroa

Geir Bekkevold er stortingsrepresentant for KrF i Telemark. Han meiner det er grunn til å vere uroleg.

– For KrF står tryggleiken for helsa til folk veldig høgt i fokus, seier Bekkevold.

Han meiner det ikkje er økonomi åleine som skal bestemme kor det skal vere helsetilbod.

– Eg er bekymra, seier han.

• Får ny ambulanse hvis akutten forsvinner

– Må ta debatten

Terje Lien Aasland frå Arbeidarpartiet deler ikkje Bekkevolds uro. Han meiner Telemark må tørre å ta debatten.

– Eg forstår at dette engasjerer og berører mange menneske, seier Lien Aasland.

Han meiner likevel det er viktig å ta den debatten som styret og Sjukehuset Telemark legg opp til.

– Nettopp for å sikre at vi får eit best mogleg helsetilbod i Telemark, seier Lien Aasland.

• Ordfører krever at sykehusdirektør går av

– Kan ikkje gripe inn

Solveig Sundbø Abrahamsen er klar på at ho verken vil eller kan gripe inn i striden.

– Eg har stor forståing for engasjementet i denne saka, seier Sundbø Abrahamsen.

Men no meiner sjukehusdirektøren har gjort jobben sin.

– Som regjeringsparti, kan du og Høgre gripe inn og stoppe prosessen?

– Nei. Det trur eg ikkje. Her har styret sine fullmakter, seier Sundbø Abrahamsen.