Vestfold idrettskrins har vore taus om kven dei støttar som ny idrettspresident, men nå flaggar dei standpunkt før valet på søndag.
- Vi går inn for Tove Paule som ny idrettspresident, seier Thor Helm Hansen.
Mykje kan skje fram til valet
Saman med mange andre idrettskrinsar ønskjer dei Odd-Roar Thorsen som visepresident i lag med Tove Paule frå Drammen som ny idrettspresident.
Thor Helm Hansen understrekar at mykje kan skje fram til søndag morgon.
- Vi støttar valkomiteen sitt framlegg til ny idrettspresident, men vi vil ha Odd-Roar Thorsen som visepresident.
Støttar ikkje Hamre
Mykje tyder på at gruppene som støttar Thorsen og Paule som presidentkandidatar må finne ein måte å samarbeide på før valet på ny idrettspresident.
Til liks med Telemark idrettskrins ønskjer Vestfold å bytte ut Bjørn Hamre med Odd-Roar Thorsen som visepresident.
Hamre er foreslått som visepresident av valkomiteen i idrettsforbundet.