Briskman jobba som marknadssjef for selskapet Akima, som hadde arbeidsoppdrag for den amerikanske regjeringa. i heimbyen Sterling i Virginia då bilkortesjen til presidenten køyrde forbi henne denne oktoberdagen i fjor.
Fotografane i følgjet til Trump var raskt ute og tok bilete av henne, der ho sykla med fingeren i vêret i det bilane i kortesjen køyrer forbi. Biletet vart raskt spreidd over heile verda, men det var først då ho la det ut på si eiga side på Facebook, at arbeidsgivaren reagerte.
– I strid med profilen
Biletet var i strid med selskapet sin profil på sosiale medium, var grunnen ho fekk oppgitt. Og det var ille nok til å få sparken.
I eit intervju med den britiske avisa seier ho at dette var den einaste måten ho kunne uttrykkje meininga si på, der ho sat på sykkelen. Ho vart verdskjend i løpet av kort tid, og ho fekk mange støtteerklæringar og til og med pengedonasjonar.
Men ho måtte også tole hatbrev og krass kritikk.
– Bør kunne kritisere
– Eg leverte eit søksmål i dag mot den tidlegare arbeidsgivaren min. Eg gjer det fordi eg meiner amerikanske borgarar ikkje skal måtte velje mellom det å stå for meiningane sine og jobben. Sjølv om eit selskap jobbar for dei føderale styresmaktene, bør firmaet ikkje hindre dei tilsette i å kritisere regjeringa på fritida si, skriv ho på Twitter.
Juli Briskman, som er åleinemor til to tenåringar, har fått hjelp til å saksøkje Akima frå Geller Law Group og organisasjonen Protect Democracy (Vern demokratiet). Det har ikkje lukkast The Guardian å få ein kommentar frå Akima.
