NRK Meny
Normal

Nytt «Merapi»-utbrot skapar panikk

Vulkanen «Merapi» i Indonesia har eit nytt kraftig utbrot i dag. Enorme røyk- og oskeskyer blir spydd fleire kilometer opp i lufta, blir det meldt.

Mange er på flukt frå utbrotet i Merapi-vulkanen i Indonesia.

det har brote ut panikk etter det nye utbrotet i 'Merapi'-utbrotet.

Foto: ANDRY PRASETYO / Reuters

Nye menneskemengder på flukt frå vulkanen Merapi.

Denne jenta er ei av mange som er på flukt frå det nye vulkanutbrotet.

Foto: Slamet Riyadi / Ap

- Utbrotet går føre seg akkurat no. Det er tre gonger større enn dei to føregåande, seier sjefen for det indonesiske vulkansenteret, Surono, til nyheitsbyrået AFP.

Dette har ført til ny panikk blant dei som alt har reist frå heimane sine. I leiren Glagaharjo, 10 kilometer frå vulkanen, braut det ut panikk då det nye utbrotet starta. Mange gret og skreik hysterisk, seier ein redningsarbeidar til AFP.

36 menneske omkom under det første utbrotet 26. oktober. Blant dei komkomne er den høgt respekterte 83-åringen Marijan, som hadde den ærefulle oppgåva med å vakte over det heilage fjellet «Merapi».

LES OGSÅ: Skulle temje vulkanen - døydde

Indonensiske styresmakter har utvida forbodssona til å gjelde 15 kilometer rundt vulkanen, og alle som bur innanfor dette området har fått ordre om å forlate heimane sine.

På flukt frå vulkanen Merapi

Motorsyklist på veg bort frå vulkanområdet.

Foto: ADEK BERRY / Afp

Den gamle forbodssona var på 10 kilometer frå vulkanen. Det ligg fleire leirar for evakuerte i den nye forbodssona, og desse må no flyttast endå lenger unna vulkanen.

Frå før er rundt 75..000 menneske evakuerte etter dei to første utbrota frå vulkanen.

Det nye utbrotet starta klokka 14.30 lokal tid, klokka 0830 norsk tid.

Nytt stort utbrot i vulkanen Merapi i Indonesia

Det er eit nytt og større utbrot i den indonesiske vulkanen 'Merapi'.

Foto: Gembong Nusantara / Ap

LES OGSÅ: Folk ser på seg selv som vulkaneksperter

LES OGSÅ: Nytt vulkanutbrudd i Indonesia

LES OGSÅ: Kommer ikke frem til savnede

Laster innhold, vennligst vent..
Laster innhold, vennligst vent..

SISTE NYTT

Siste nytt