Det er presidentval i Kasakhstan neste år, men Nazarbajev reknar ikkje med at nokon andre enn han har den minste sjanse til å vinne valet.
Han ser heller ikkje nokon intern trussel mot regimet sitt, seier ein av dei nærmaste rådgjevarane hans, Jermukhamet Jertsjbajev til nyheitsbyrået Reuters.
Spekulasjonar
Det har vore spekulasjonar om at Nazarbajev kan ha planar om å trekkje seg tilbake, og at han har leitt etter ein etterfølgjar i presidentstolen. No avviser rådgjevaren hans dette på det sterkaste.
- Alt vil skje etter grunnlova, seier han.
Rådgjevaren avviser også alle spekulasjonar om at Nazarbajev har planar om å utnemne seg sjølv til president på livstid.
Nazarbajev er 70 år gammal, og han har vore med i styre og stell i Kasakhstan sidan 1969, då landet var ein sovjetisk delrepublikk. Han var statsminister frå 1984 til 1989, og han var øvste leiar i kommunistpartiet i perioden frå 1989 til 1990.
Valfusk
Han vart valt til president i det sjølvstendige Kasakhstan i 1990, vart attvald i 1995 og vart valt for sju nye år i 1999. Då fekk han 88,3 prosent av røystene. Så vart han igjen attvald i 2005, denne ongen med 91 prosent av røystene.
Både EU og Organisasjonen for tryggleik og samarbeid i Europa (OSSE) har gitt opposisjonen i landet medhald i skuldingar om valfusk. Han er kjend for ein autoritær leiarstil, men har likevel sterk støtte i breie lag av folket.
Nursultan Nazarbajev var på offisiellt besøk i Noreg i 2001.
LES OGSÅ:
LES OGSÅ:
LES OGSÅ:
LES OGSÅ:
LES OGSÅ:
LES OGSÅ: