NRK Meny

Nasjonal bønnedag for Nelson Mandela i Sør-Afrika

Millionar av sørafrikanarar samlar seg i dag i bøn for Nelson Mandela i kyrkjer, moskear, synagogar og tempel over heile landet.

Webvid28 HD Verden (uten redundans)

DIREKTE: Nasjonal bønnedag for Nelson Mandela i Sør-Afrika.

Bent Tanstad
Journalist

Artikkelen er flere år gammel.

Bønnestunda er den offisielle starten på ei vekelang avskil med Mandela, som døydde torsdag, 95 år gammal. Førstkomande tysdag blir det ein storstilt minneseremoni på ein stadion i Soweto i Johannesburg. Her deltek statsleiarar og regjeringssjefar frå heile verda.

Frå onsdag til fredag skal Mandela liggje på likstrå i Union Building i hovudstaden Pretoria, dit kista skal køyrast kvar morgon. Det er venta at mange vil ta oppstilling langs ruta for å ta farvel med den høgt elska leiaren.

Gravferd neste søndag

Etter dette skal kista til frigjeringshelten og els-presidenten fraktast til landsbyen Qunu i Eastern Cape-provinsen, der Mandela var fødd. Her skal han gravleggjast på familiegravstaden søndag om ei veke.

Under den landsomfattande bønnedagen i dag blir det særleg lagt vekt på Mandelas sterke bodskap om fred og forsoning, på tvers av hudfarge og religion.

– Sjølv om vi sørgjer, må vi også syngje av full hans, danse og gjere det vi vil, å feire livet til denne unike revolusjonære mannen, sa Zuma i går, ifølgje NTB.

Største samlinga i Soweto

Zuma vil sjølv vere til stades i ei metodistkyrkje i ein av dei kvite bydelane i Johannesburg, medan tidlegare president Thabo Mbeki vil delta i bøna i ein av dei jødiske synagogane i byen.

Flest menneske er venta til den største katolske kyrkja i landet, som ligg i Soweto.

Laster innhold, vennligst vent..
Laster innhold, vennligst vent..

SISTE NYTT

Siste nytt