Sprengstoffet var dårleg festa, og fall av køyretøyet då majoren som eigde bilen skulle køyre til jobb frå heimen sin i County Down.
Spesialstyrkar måtte detonere bomba, og meir enn 20 heimar blei evakuerte.
Rutinemessig bombe-sjekk
Åtaket vekte minner frå konlikten i Nord-Irland på 1970- og 1980-talet, kjent som "The Troubles". I denne perioden befant landet seg i ein fastlåst krigsliknande tilstand der politi og militære rutinemessig måtte sjekke bilane sine for bomber.
Åtak retta mot politi har auka etter at nasjonalistiske grupper med ønske om eit foreina Irland, drap to soldatar på ein militærbase nordvest for Belfast i mars i fjor. Ein politibetent blei også drepen dagen etter.
Protestantar utpeikt
Ei rekkje bilbombeåtak har vorte retta mot politistasjonar, militærbasar og tinghus.
Seinast i går eksploderte ei bilbombe utanfor ein politistasjon i Derry, den nest-største byen i Nord-Irland.
Militæroffiseren som var offer for bomba som vart oppdaga onsdag, er truleg den første involvert i eit personåtak sidan dei to soldatane blei drepne i fjor.
Det blei i 1998 inngått ein fredsavtale mellom katolske nasjonalistar og protestantiske unionistar.
Politi og lokale politikarar gjer protestantiske dissidentar skulda for onsdagens bombeforsøk.