NRK Meny
Normal

Everest-veteran sakna i Himalaya

Chhewang Nima Sherpa (43), som har vore 19 gonger på toppen av Mount Everst, er sakna etter eit snøras ved Mount Baruntse i Himalaya.

Chhewang Nima Sherpa er sakna i Himalaya.

Chhewang Nima Sherpa, som har vore 19 gonger på toppen av Mount Everest, er sakna i Himalaya.

Foto: HO / Afp

Den kjende sherpaen vart teken av raset då han skulle leggje ut tau for ei gruppe klatrarar som var på veg opp til toppen av Mount Baruntse i Nepal. Han oppheldt seg 7045 meter over havet då ulukka skjedde. Toppen av Mount Baruntse er på 7129 meter.

Det er lite håp om å finne den erfarne klatraren i live, og redningsaksjonen vart erklært avslutta i ettermiddag.

Følg med på Explorersweb.com

Dyktig og erfaren

Jiban Ghimre frå selskapet som organiserte denne turen sa til BBC i går BBC at Nima var i nordveggen av fjellet då raset tok han. Ingen av dei andre i ekspedisjonen vart tekne av raset.

Han sa då at Chhewang Nima er ein så dyktig og erfaren klatrar at han kan ha overlevd raset. Har han hamna i ein bresprekk eller i ei lomme med luft er det håp, seier han.

Chhewang Nima Sherpa er ein av dei mest erfarne klatrarane i Nepal. Berre Appa Sherpa har vore fleire gonger på toppen av Everst enn han, han har vore der 20 gonger.

Helikopter-søk

Eit helikopter kom til området i går for å leite etter den sakna klatraren, men det dårlege veret har tvunge helikopteret til å forlate området. Det er ikkje venta betre ver den første veka, blir det opplyst.

Jon Gangdal

Jon Gangdal er ein av dei mest erfarne norske Everest-klatrarane.

Foto: Aschehoug forlag

Trass i at Chhewang Nima Sherpa har vore 19 gonger på det høgste fjellet i verda, Mount Everest, er han ikkje så kjend blant norske klatrarar.

Ingen av dei vi har snakka med i det norske klatremiljøet kjenner til Chhewang Nima Sherpa anna enn av omtale. Han har ikkje vore med på nokon av dei store norske Mount Everest-ekspedisjonane.

Ein av nestorane i dette miljøet, Everest-veteranen Jon Gangdal, kjenner ikkje til Chhewang Sherpa personleg, men seier at det alltid er dobbelt tragisk når ein sherpa misser livet under klatring.

- Desse menneska klatrar ikkje for spenninga si skuld, dei gjer det for å tene pengar så dei kan overleve, seier han.

Innholdet som skulle vises her støttes dessverre ikke lenger.

LES OGSÅ: – Eg har hatt ufatteleg flaks som overlevde

LES OGSÅ: Klatret til topps på Mount Everest for 20. gang

LES OGSÅ: DNA-forklaring bak tibetanernes evne til å leve i høyden

LES OGSÅ: Ekspedisjon til Mount Everest ønsker å frakte vekk lik og søppel

LES OGSÅ: 13-åring klar for Everest

Laster innhold, vennligst vent..
Laster innhold, vennligst vent..

SISTE NYTT

Siste nytt