Lokalsamfunnet er i sjokk etter at fem born mista livet i ein brann i eit bustadhus i Derby i Nord-England fredag.
- LES:
Mannskapet som prøvde å sløkkje brannen arbeidde under særs vanskelege forhold, og prøvde fåfengt å redde livet til borna i huset.
Alle var søsken
Både mannen og kvinna som er mistenkte for brannen kjem frå Derby, og dei blei gripne på to ulike stader fredag.
Borna som mista livet var i alderen fem til ti år, og var søsken. Deira 13 år gamle bror ligg kritisk skadd på sjukehus i Birmingham.
I alt seks born og to vaksne blei brakt til sjukehus for behandling.
Kjent i lokalmiljøet
Faren i familien får ros frå politiet for å ha gjort svært modige forsøk på å redde borna.
Han skal ha i alt 17 born og er ein kjent mann i lokalmiljøet som følgje av fleire TV-framføringar.
Mellom anna deltok han i ein dokumentar i 2007 saman med den tidlegare konservative parlamentarikaren Ann Widdecombe, som budde saman med familien i ei veke.
– Ingen kan kalle han ein dårleg far. Dette var trist å høyre, og mine tankar er hjå familien, seier Widdecombe i ein kommentar til tragedien.
Spesiell familiesituasjon
Mediemerksemda rundt familien starta i 2006 då familiefaren søkte kommunen om eit større hus der han kunne bu saman med kona si, kjærasten og deira 14 born.
Alle borna gjekk på ein katolsk barneskule i nærleiken, og skulen har sendt sine kondolansar til familien.
Kvinna som er mistenkt i samband med brannen, skal ha blitt gripen på ein annan stad i Derby enn der familien bur. Det er ikkje offentleggjort kven kvinna er.
Politiet reknar med at etterforskinga kjem til å verte lang og omfattande.