Sigarar, raske bilar, privatfly og provoserande utsegn om kvinner. Slik kjenner mange den kontroversielle britisk-amerikanske influensaren Andrew Tate.
No er den tidlegare kickboksaren, broren hans Tristan og to kvinner tiltalt for valdtekt, menneskehandel og organisert kriminalitet. Det skal vere snakk om overgrep mot sju kvinner.
Dei skal vere ein del av eit kriminelt nettverk i Romania, der formålet var å utnytte kvinner seksuelt.
Dei fire skal ha avvist skuldingane, og Tate har tidlegare uttalt at politiet ikkje har bevis i saka.
Andrew Tate, broren Tristan og advokat Eugen Vidineac på veg ut av retten i Bucuresti i Romania i april.
Foto: API slutten av desember i fjor ransaka politiet i Romania åtte bustader for bevis. Dei konfiskerte mobiltelefonar, videoutstyr, bilar, narkotika, falske ID-kort og 100 000 kronar i kontantar.
Brørne og dei to andre sikta i saka blei sett i varetekt. Ein rumensk domstol forlenga fengslinga med 30 dagar - fire gonger.
31. mars anka dei fire sikta fengslinga, og vant fram. Då fekk dei vere i husarrest den siste månaden.
No er dei same fire personane på nytt pålagde husarrest, fram til rettssaka startar.
Internettfenomen
Tate har dei siste åra blitt stor på internett. Før profilen hans blei bannlyst av TikTok, hadde han 4,7 millionar følgarar på kanalen.
Tate blei arrestert i bustaden sin i Romania 29. desember 2022.
Foto: ReutersHan blei også bannlyst frå Twitter, men fekk kome tilbake då Elon Musk tok over leiinga. Der har han no 6,9 millionar følgarar.
Ber valdtektsoffer ta ansvar
På sosiale medium og gjennom podkasten «Tate Speech» er influensaren kjend for å forkynne maskulinitet, gi sjølvhjelpsråd, og kjem stadig med kontroversielle utsegn på ulike tema. Følgarane hans er hovudsakleg unge menn.
Han har mellom anna sagt at valdtektsoffer må ta ansvar for overgrepet. Dette er også grunnen til at han blei bannlyst frå Twitter.
Høyr også:
