I 42 år har det libyske folket levd under diktaturet til Muammar Gaddafi. No får dei snart høve til å gå til valurnene og sjølv velja kven som skal styra Libya.
– Det nasjonale overgangsrådet i Libya kjem til å lysa ut val til ei ny nasjonalforsamling innan åtte månader, opplyser Jibril under eit besøk på Verdas økonomiske forum (WEF) i Jordan laurdag.
- LES OGSÅ: – NATO snart ferdig i Libya
Folkeavstemming om ny grunnlov
Dei folkevalde vil deretter få to oppgåver: å laga eit utkast til ei ny grunnlov for Libya, og å få på plass ei overgangsregjering.
– Folket skal få høve til å røysta over utkastet til ny grunnlov. Overgangsregjeringa skal rå fram til det første presidentvalet blir skipa til, fortel den libyske statsministeren.
- LES OGSÅ: Vanskeleg å vere Libya-optimist
På torsdag vart den tidlegare diktatoren i landet, Muammar Gaddafi, teken til fange og drepen i heimbyen Sirte.
Leiarane i Det nasjonale Overgangsrådet i Libya har varsla at dei vil koma med ei fridomserklæring søndag.