SE BILDENE:
Ein enorm skogbrann herjar nær Haifa i det nordlege Israel. Brannen trua Damon-fengselet, som ligg midt i brannområdet på Carmelfjellet, ikkje langt frå Haifa. Det vart avgjort at dei rundt 500 fangane i fengselet skulle evakuerast. Det er stort sett palestinske innsette i fengselet.
LES OGSÅ:
Flammar på alle kantar
Ein buss med rundt 40 fangevaktarar vart send til fengselet for å bistå i evakueringa. Men dei kom aldri så langt. På vegen til fengselet køyrde dei inn i brannområdet, og med eitt brann det på alle kantar av bussen.
- Flammane slo inn mot bussen. Dei hadde hadde ikkje ein sjanse. Det var ikkje mogleg å snu, og dei kom ikkje rett fram. Det var forferdeleg å sjå, og det minte meg om eit bombenedslag, seier ein tydeleg merkt Dudu Vanunu til den israelske fjernsynsstasjonen Kanal 2.
- Dei kunne ikkje overleve. Dei hadde ingenting å verne seg med, legg han til.
Politisjefen i Haifa køyrde rett bakk bussen, og bilen hans vart også teken av flammane. Han er kritisk skadd, medan to politimenn er sakna, høgst truleg er dei blant dei omkomne.
Hjelp frå utlandet
Statsminister Benjamin Netanyahu har bede om hjelp frå Hellas, Kypros, Italia og Russland. Hellas har alt gjort det klart at dei sender fire brannsløkkingsfly. Også Tyrkia har sagt at dei vil sende brannsløkkingsfly.
Netanyahu kallar brannen den verste i den 62 år lange historia til den israelske staten.
LES OGSÅ:
Alle dei rundt 1500 brannmennene i Israel er henta inn for å kjempe mot flammane, men det er ei svært vanskeleg oppgåve. Det har ikkje regna på fleire månader og det er sterk vind og høge temperaturar. Vinden i kveld er på rundt 30 kilometer i timen, noko som gjer det svært vanskeleg å få bukt med flammane.
November var den varmaste på 60 år, og også i dag var temperaturen i Haifa-området over 30 grader.
Brannmannskapa kjempar mot den øydeleggjande brannen både frå bakken og frå lufta. Fleire brannsløkkingsfly og helikopter er i aktivitet, og i morgon kjem hjelp også frå utlandet.
Fleire tusen evakuerte
Ein arabisk landsby, ein kibbutz, eit luksushotell og fleire hundre private hus er evakuerte i løpet av ettermiddagen. Fleire tusen menneske er evakuerte frå heimane sine.
Politiet trur brannen starta på ein ulovleg søppelplass, men dei kan ikkje seie om brannen er påsett eller ikkje.