«No er det julemorgon, alle barn må stå opp og gjere seg klar», syng Morten og Mathilde.
Det er dei to som skal halde NRK-sjåarane med selskap frå morgonen og hele den lange, forventningsfylte formiddagen på julaftan.
Med seg har dei to firbeinte «programleiarar». Mortens faste venn, den dansk-svenske gardshunden Saft Suse, stiller trufast opp. Med seg har han dottera si.
Kvalpen har førebels ikkje fått namn. Det skal den vesle hunden få på sjølvaste julaftan.
Viser tradisjon tro klassikarar
Sendinga spelets inn i Tromsø, blant trehusa i den gamle bydelen Skansen.
Der er det idylliske små hus og trongt mellom bygningane. Så her blir det ordentleg julebystemning.
For mange blir det ikkje julaftan før ein har sett nokre av dei faste innslaga på «Julemorgen».
Morten og Mathilde skal vise filmar som trufaste sjåarar av NRK ønsker seg, som «Tre nøtter til Askepott» og «Reisen til Julestjerne». Dermed vil dei sørge for at det blir jul i år også.
Programleiarane får også fleire julebesøk.
Kråka og Fantorangen kjem innom med godt humør.
Det same gjer Selma og Pil i Snøfall, eller Siri Skjeggedal og Kevin Haugan som dei heiter Siste episode i årets julekalender kjem på «Julemorgen».
Det blir også spennande gjetteleik som Ane Norum Kvistad frå Newton lagar.
I år er det tredje julaftan på rad at Morten Strand og Saft Suse sørger for hygge og kos på «Julemorgen».
«Julemorgen» sendast på julaftan, 24. desember frå kl. 07.30 til kl. 14.00 på TV-kanalane NRK1 og NRK Super, i tillegg strøyming på NRK TV.