Politiet har vore i kontakt med aktuelt kontrolltårn for flytrafikk i området og får opplyst at dette er kjente objekt, og at det ikkje er nokon grunn til bekymring.
Mykje tyder på at ballongane kjem frå Esrange Space Center ved Kiruna i Nord-Sverige.
Esrange skriv på nettsida at dei har sendt opp åtte ballongar i mai. Dette blir blant anna gjort i samarbeid med den amerikanske romfartsorganisasjonen Nasa.
Ballongane er ifølge Esrange dei største som er sende opp nokon gong. Dei største ballongane skal fly frå Nord-Sverige og til Canada.
Den største ballongen er på størrelse med Globe Arena i Stockholm.