NRK Meny
Normal

Startar prosessen mot ein Grenlandskommune

Grenlandsrådet har samrøystes vedteke å starte prosessen med å lage ein stor kommune for Grenland der det i dag er seks kommunar.

Hedda Foss Five

Skiens ordførar, Hedda Foss Five, har åpna prosessen med å finne argument for og imot ein stor grenlandskommune.

Foto: Anne Lognvik / NRK

Formannskapsmedlemmene i dei seks kommunane Skien, Porsgrunn, Bamble, Siljan, Kragerø og Drangedal var i dag samla i Grenlandsrådet.

Leiar i Grenlandsrådet og ordførar i Skien, Hedda Foss Five (Ap), seier at det betyr at Grenlandsrådet følgjer opp det regjeringa har bede alle kommunar i Noreg om å gjere.

– Det er å sette i gang prosessen med å utarbeide dokumentasjon for å sjå om det er klokt å slå saman nokon av kommunane våre, seier Foss Five.

Hedda Foss Five

Hedda Foss Five trur ikkje dagens kommunegrenser bør stå i alt for mange år.

Foto: Lars Tore Endresen / NRK

Den dokumentasjonen skal skje i regi av Grenlandssamarbeidet.

– Vi gjorde akkurat det same vedtaket i dag, og kjem til å sette i gang prosessen med å finne argument for og imot. Det vil vi halde på med i om lag eitt år, seier Five.

Må gje betre vilkår

Etter det må kommunane gå gjennom materialet og finne ut kva som skal skje vidare.

Blir det nå ein storkommune i Grenland?

– Det tør eg ikkje seie noko om på forskot. Men eg opplevde seks kommunar som er opne og søkande for å finne ut om det er mogleg å gje innbyggarane og næringslivet enno betre vilkår ved å gjere noko med dagens kommunegrenser, seier Five.

Håpar på endringar

Ordføraren i Skien seier det er masse arbeid som står att før det kan bli avgjort om det blir ein storkommune i Grenland.

– Det er mange som skal bli involvert i denne prosessen. Og det blir viktig å lytte til kva innbyggarane tenker, dei tilsette i kommunane og andre. Så det er ganske langt fram til vi har eit saksgrunnlag med ein konklusjon, seier Five.

Ho håpar resultatet vil bli nokon endringar.

– Eg trur ikkje dagens kommunegrenser bør stå i alt for mange år framover, seier Five.

  • Ingen mistenkte i saken

    Politiet jobber fortsatt med å finne gjerningspersonene bak ransforsøket på urmaker Saastad i Porsgrunn tidligere i dag. Politiet opplyser til NRK at de ikke har pågrepet noen for forholdet, og har heller ingen mistenkte så langt.

  • Bilskiltet stjålet i Oslo i natt

    Bilskiltet på fluktbilen som ble brukt, etter at to menn forsøkte å slå inn døra med en øks hos Urmaker Saastad i Porsgrunn tidligere i dag, ble stjålet i Oslo i natt. Det melder Varden. Det er fortatt ingen som er siktet for forholdet.

  • Tyver knuste vindu og stjal sølvtøy

    Politiet melder om et innbrudd i Skien. Tyvene knuste et vindu og tok seg inn i boligen. Innbruddet skjedde i Gregorius Dagssons gate.

    Laster Twitter-innhold
  • Tre biler har kollidert i Vinje

    Åtte personer skal være involvert etter at tre biler kolliderte i Vinje sentrum. Ingen av personene involvert har fått alvorlige skader, melder politiet. Bilene har fått større materiell skade.